او پـــــریـــشــــان تـــئــــلیوین شانه سی مننن گؤزلیم
یـــاشــیــیـــاق چــؤلــده بوگون، خانه سی مننن گؤزلیم
گـــــؤز یــــاشــــیــــم بــــاده عــــشــــق، هر زمان آخدی
بـــاده عـشـقـی حاضیرلا، دولی پیمانسی مننن گؤزلیم
دوت الـــیـــمـــنـــن دلـــی تــــك، آخــتــاراق چؤل چمنی
دلـی اولــمـاقــدا ســعــادت، دل دیوانسی مننن گؤزلیم
لــیــلــی مــجــنــون بـاشـقـا نـاغـیـلـدی، تاریخده یازیلدی
یـازیـلاق تـاریـخه بیزده، اولان افسانه سی مننن گؤزلیم
شــمــع عشقین یانار اولسون، سؤنمه سین عالمده گؤروم
یـانـارام عشق اودونا، هر گئجه پروانه سی مننن گؤزلیم
گـــول اكـــیــــب بــســتــان ائــدك، گؤز یاشینان سولویاق
بـیـر گـؤزل بوستان اولار، گول ریحانه سی مننن گؤزلیم
كــلام هـیــجـران قــوتــاریــب، یوخ سنه بیر جان اگر اولسا
سنه مین قوربان اولا جان، یئنه جانانه سی مننن گؤزلیم
