آتالار گونونه خاطیر بیر شعر

سه شنبه 31 فروردین 1395
05:47
باشقان
ائد قبول جان سنه قربان نئجه انسان‌دی آتا
منم اسماعیل و اول صاحب قربان‌دی آتا
منی داغ سان اگر کاندی جواهر گوموش اول
منی گؤرسن بیرآغاج بیل اونا باغبان‌دی آتا
آتادور کاروانا باشچی آتا یوللار چیراغی
ظلمته قار کؤلگه اول مه تابان‌دی آتا
سینه‌سی راز ایله دولقون‌دو گؤزی آیه‌ی نور
اؤزو دور ماه منور ، سؤزو قرآن‌دی آتا
عبرت آل درّی-جواهردی سؤزو وحی‌ـه یاخین
وحی‌دن‌دور دئییلیب تانری دوران‌دی آتا
آتا ظلمتده دایاق ، دار گونو یولداش دئییلیب
خوش‌گونو سن‌له خوش‌اولموش جانا جانان‌دی آتا
یامان گون اولسادا یانموش دایانار جان‌دا وئرر
هر نه دردین اولا تیمار ایله درمان‌دی آتا
باخیر اولادینه فخر ائیلیر و فری کیشی
بوی آتیب اولسون ایگید هئی باخیر حئیران‌دی آتا
آذرا وئرمگ اولانماز ، اونون حقین بیلیرم
یورغون اول حقینی آلماز کی مسلمان‌دی آتا
گئجه گوندوز چالیشیر اهل و عیالی گئچینه
اولمویا سولسون اولا ، یار و نگهبان‌دی آتا

رضا قلی‌وند (آذر) 



قایناق: قـه‌فـه

یاغیش آلتیندا

پنجشنبه 30 مهر 1394
10:06
باشقان
یاغیش آلتیندا منیم گوزلریمی یادیوا سال           (زیر بارون چشمای من رو به یادت بیار)     
بیر آیاق ساخلا منیم سوزلریمی یادیوا سال        ( لحظه ای درنگ کن حرفای منو به یادت بیار)
یاغیش آلتیندا گزیردیک بیر چترله ایکیمیز       (زیر بارون با یه چتر هم قدم می شدیم)
خزان اسدی بیربیریمیزدن اوزولدی الیمیز         (پاییز وزید ودستامونو از هم جدا کرد)
یادیوا سال اوردا بیر لحظه منی            (یادت بیار اونجا یه لحظه منو)
یادیوا سال بو ائورگی سینانی               (یادت بیار این دلشکسته رو)
یادیوا سال اوردا بیر لحظه منی            (یادت بیار اونجا یه لحظه منو)
یادیوا سال بو آرزیسی یانانی               (یادت بیار این آرزو سوخته رو)
ییقیشیب دونیا بولودلاری دومانلی گوزومه            (ابرای دونیا توُ چشمای مه آلودم جمع شده)
سنی خاطیرلاییرام آغلییرام اوزاوزومه                (تو رو که به خاطر میارم ناخودگاه گریه م میگیره)
نیه دونیا بیزی آییردی بونی بیله بیلمدیم                (چرا ئونیا ما رو از هم جدا کرد اینو نتونستم بفهمم)
چوخ چالیشدیم سنی سیلم اورگیمدن سیله بیلمدیم       (خیلی تلاش کردم تو رو از قلبم پاک کنم نتونستم)
منیم احوالیمی یوخلا آینادا اوزون گولنده               (وقتی توُ آینه ها می خندی یاد من باش)
سارالیب سولان بیر یارپاق بیر آغاجدان اوزولنده     (وقتی برگ زردی از درختی میوفته یادم کن)
اورگین اولاندا خسته،قوش گورنده بیر قفسده       (وقتی قلبت خسته میشه،وقتی پرنده ای رو اسیر قفس میبینی)
هر یرده یارالی گوردین چالیشیر آخیر نفسده       (هر جا یه زخمی رو تو آخرین نفسهاش دیدی به یاد من باش)



قایناق: قـه‌فـه

گئتمه..

پنجشنبه 11 دی 1393
07:32
باشقان
منیم آغلار گؤزومه رحم ائله جانان، گئتمه
دایانیب جان دوداغا، جان سنه قوربان، گئتمه
قوی منیم جانیمیله صبرو توانیم گئتسین!
سن منه تاب و توان، روح و روان'سان، گئتمه!
سن'ایله هر غمه، هر درده تحمل ائدرم،
آما سن'سیز یوخوموش دردیمه درمان، گئتمه! smiley21

قایناق: قـه‌فـه

سیزلات

یکشنبه 11 آبان 1393
07:09
باشقان
سیزلات سازینی سینه ده داغلار جا سوزوم وار
های های چال عاشق سیزلایان او تئلده گوزوم وار
یاندیر كوله دونده ر منی باخ منده دوزوم وار
باخ یانماغیما شمع ایله پروانه اوتاندی
یانماغدادی شعریم كی بوگون كونوله یاتاندی

******************************************************
سیزلات سازینی قوی جوشوم الهام قوجاغیندا
چال چال منی دیندیر یئنه غم لر چاناغیندا
احوالیمه باخ آتش عشقین اوجاغیندا
باخ یانماغیما شمع ایله پروانه اوتاندی
یانماغدادی شعریم كی بو گون كونوله یاتاندی

******************************************************
های های چال عاشیق قوی سوزولوم می كیمی جامه
قوی من جالانیم كئفلی كیمی شعره كلامه
قوربان اولارام سوز بیلنه عهده مرامه
باخ یانماغیما شمع ایله پروانه اوتاندی
یانماغدادی شعریم كی بو گون كونوله یاتاندی

قایناق: قـه‌فـه

بیرتای

سه شنبه 1 مهر 1393
08:32
باشقان

بوْیلانیرام بوْیوم چاتا 

گؤرم سنی اۇزاقلاردا 

من قێسایام 

سن چوْخ اۇزاق 

یانمیش بوْیوم اۇجالمادی. 

یاندیم آللاه هیجر اوْدونا 

هیجران گۆنی قوْتارمادی 

قالدیم حسرت یار بوْیونا 

كیمسه بۇ دردی قانمادی. 

قالدیر منی قۇجاقیندا 

قوْی اۇجالیم اۇجا گؤروم 

پارچا-پارچا پارچالانمیش 

اوْتای 

      بوْتایی 

            بێرتای گؤروم....

********************************

قایناق: من توركم ، آذری یوخ


قایناق: قـه‌فـه

گئتدین..

سه شنبه 20 خرداد 1393
09:54
باشقان
سن گئتدین ائله بیل دونیا داغیلدی
یاز دا كؤچوب گئتدی ، یئری بوش قالدی
باهار اوره ییمی سن‌سیز قیش آلدی
من یازا وورغونام ، قیشی نئیلیره م ؟؟؟

عشقیمی آپاریب سن گئتدین دئمك
عشق سیز بیر كؤنول نه ییمه گره ك ؟
سویوق داشا دؤندو او گونده ن اوره ك 
سینه م دن آسیلان داشی نئیلیره م ؟؟؟

همیشه آیریلیق، گئجه - گوندوزوك
بیریمیز تپه ییك بیریمیز دوزوك
اوستونون قاشی لا تانینار اوزوك
اوزویوم یوخدورسا ، قاشی نئیلیره م ؟؟؟

نیه یاشاییرام من نییه سن ‌سیز
نه یئره باخمارام ، نه گؤیه سن ‌سیز
من كی كور اولموشام هر شئیه سن ‌سیز
كور گؤزون اوستونده قاشی نئیلیره م ...smiley21

قایناق: قـه‌فـه

یئنی خیال

سه شنبه 20 خرداد 1393
09:44
باشقان
آرزولاریم حسرتیمده ن گوج آلیب 
خــیـالــلاریـم آرزولاردان اوجـالیب
گـؤز اؤنونده مین خیالیم قوجالیب
یـئنـی خـیال دوغـمـاقدادیر آرزولار
¤
من بیر داغام جوشغون سئللر سسیم دیر
گؤزلریمده قارلی طـوفان نسیم دیر
بـیرجه خیال عـؤمور بوْیو بسیم دیر
یـئنـی خـیال دوغـماقـدادیــر آرزولار
¤
اوزون آرزو قـیـسا عــؤمـره عبث دیر
گئنیش روحه دار سینه میز قفس دیر
گئـتسه گلمز منیم گیله م نفس دیر
یـئنـی خـیال دوغـمـاقـدادیــر آرزولار
¤
فـلـك سـایسـا ال قویارسان گؤزونه
سـن سـایاندا فـلك باخماز سؤزونه
حسـرت وورار شیلله سـنین دیزینه
یـئنـی خـیال دوغـمـاقـدادیـر آرزولار
¤
" سیّــد " گـزیب آرزولاری مـین كره
قـورخا- قـورخا خان دئییب دیـر نؤكره
گـؤز یاشیـندان دوزلاق اوْلوب اكه ره
یــئنـی خـیـال دوغـماقـدادیــر آرزولارsmiley21

قایناق: قـه‌فـه

گوناه..

جمعه 9 خرداد 1393
09:37
باشقان
آلمانی سن یئدین
 سن قوْوُولدوُن
 آدم قالدی حاووا ساچین اوْیناتدی
 قوْوُولدون گؤیلره گوناهكار تانری
 چوْخداندیر اؤلوبسن
 نییه دؤنموسن یئره؟
 توْرپاقدان یاراندین توْرپاقینا دؤن
 تبریزین گوناها ائحتییاجی وار...
یازار:ریضا طالبیsmiley21

قایناق: قـه‌فـه

وطنیم!

سه شنبه 5 فروردین 1393
02:17
باشقان
وطنیم! بیر قاداغان دیلده سنه آند ایچیرم

 آنامین سؤیله دییی لایلایا من آند ایچیرم

 آرازین باغلادیغی یوللارا من آند ایچیرم

 سنه من آند ایچیرم...

 سنی مندن آلانی تورپاغینا قایتارارام

 اونودولموش نیشانی بایراغینا قایتارارام

 «سو» یو «آب» اولمادا من بارداغینا قایتارارام

 یئنه بیر خیردا بالیق ماوی دنیزدن سؤز آچیر

 اونو بوغماز قره سو سولدوغو گولدن گول آچیر

 دنیزه بیر یول آچیر..

قایناق: قـه‌فـه

یئنی خیال

دوشنبه 21 بهمن 1392
12:03
باشقان
" یئنی خیال "
آرزولاریم حسرتیمده ن گوج آلیب
خــیـالــلاریـم آرزولاردان اوجـالیب
گـؤز اؤنونده مین خیالیم قوجالیب
یـئنـی خـیال دوغـمـاقدادیر آرزولار 
¤
من بیر داغام جوشغون سئللر سسیم دیر
گؤزلریمده قارلی طـوفان نسیم دیر
بـیرجه خیال عـؤمور بوْیو بسیم دیر
یـئنـی خـیال دوغـماقـدادیــر آرزولار 
¤ 
اوزون آرزو قـیـسا عــؤمـره عبث دیر
گئنیش روحه دار سینه میز قفس دیر
گئـتسه گلمز منیم گیله م نفس دیر
یـئنـی خـیال دوغـمـاقـدادیــر آرزولار 
¤ 
فـلـك سـایسـا ال قویارسان گؤزونه
سـن سـایاندا فـلك باخماز سؤزونه
حسـرت وورار شیلله سـنین دیزینه
یـئنـی خـیال دوغـمـاقـدادیـر آرزولار
¤
"سیّد" گـزیب آرزولاری مـین كره 
قـورخا- قـورخا خان دئییب دیـر نؤكره 
گـؤز یاشیـندان دوزلاق اوْلوب اكه ره
یــئنـی خـیـال دوغـماقـدادیــر آرزولار
smiley21

قایناق: قـه‌فـه

ســورغــو

  • یاییملانان مئساژلارا 10 دان نئچه وئریرسینیز؟

سـون یـازی‌ لـار

بـاغـلـانـتـی لـار

سـایـغـاج

» یازیلار :
» باخیش لار :
» یئنیله‌مه چاغی :
» بو گونون گؤروشو :
» دونه‌نین گؤروشو :
» بو آیین گؤروشو :
» ایندی وئبلاق دا :
» بوتون گؤروشلر :
» قه‌فه‌میزده چای اولماسادا ایستی پیام‌لاریمیز وار!


"ائبرو دینله‌یه‌نلر گؤزلی سئورلر" دئمیشلر
ائبرو نه‌یی دینله‌دیکله‌رینی آراییرام
سن باشقا جور گؤزل سن
ائبرو دا آنلاتا بیلمیر سنی
93.12.07
2012-2023 ©
1393-1403 ©
بوراسی قـه‌فـه اولاراق، تورکجه‌میزی قوروماق اوچون یازیلاردان قایناق‌سیزدا قوللانا بیله‌رسینیز || گئنیشله‌ندیرن و دوزه‌نله‌دن: قه‌فه قوروپو