ساغلیغینا

یکشنبه 20 مرداد 1392
05:11
باشقان
گرچه عشق اهلی ایچر باده نی جان ساغلیغنا؛
ایـچیــــرم جـــام شــــرابی یــــــارادان ساغلیغنا؛
ایـچیــرم سئل ده ســارا داغدا چوبــان ساغلیغنا؛
ایـــچیرم مین گـول ایچینده بیـــر تیكان ساغلیغنا ؛
جـــوانی آیــــریلیق آخـــــرده قــــــوجـالدار بیلیرم؛
ایچیرم بیــر قــــوجا شیكلینده جــــوان ساغلیغینا
smiley21

قایناق: قـه‌فـه

اوغلان ایله قیز

یکشنبه 20 مرداد 1392
12:49
باشقان
سنه ای نازلی نیگار زولف پریشان یاراشیر؛
اوزووون وصفینه ده تك مه تابان یاراشیر؛
منی تا سن گؤروسن قاش قاباغین یئر سوپورور؛
گولگونه ن كی سنه بو چهره خندان یاراشیر؛
 او قدر عشقیوه دؤزدوم كی آدیم مجنونا چؤندی؛
سنه ده بو لقب لیلی دوران یاراشیر؛
بو دی قصدیم سنی اؤز سئوگی تورومدا گیره سالماق؛
اُو دی كی باخ منه اُووچی , سنه جیران یاراشیر؛
گؤزلیم گل یانیما تا كی دئسین دونیا بیزه؛
اوغلانا قیز یاراشیر باخ قیزا اوغلان یاراشیر
smiley21

قایناق: قـه‌فـه

گول هوسی

شنبه 19 مرداد 1392
12:27
باشقان
می و پیمانه نی گؤندر بو گئجه داغلامیشام؛
یوخو گیرمه ز گؤزومه من او قدر آغلامیشام؛
ساقیا دولدور ایچیم گول هوسی ائیله میشم؛
سونا چاتسین بو بهار من كی گولون گورممیشم؛
ساقیا دولدور ایچیم یار هوسی ائیله میشم؛
یاریمی آلدیلار الدن كیمه من نئیله میشم
smiley21

قایناق: قـه‌فـه

یاغیش

چهارشنبه 16 مرداد 1392
01:31
باشقان
دونن آخشام چاغی سن‌سیز منی آغلاتدی یاغیش 
یادیما سالدی سنی مطلبینه چاتدی یاغیش
كوچه‌ لر اولدو گؤزومده یئنه بیر آرپا چایی
منی سن‌سیز نئجه نیسگیل سئلینه آتدی یاغیش
اودو سؤندورمه گه سو قایداسی‌دیر آمما 
دونن كؤزه ره ن كؤنلومو یاغدیقجا آلوولاتدی یاغیش
دامجی دامجی سنه لای لای دئدی قوینومدا منیم
نه دئیم بلكه سنی كورپه یه اوخشاتدی یاغیش 
او قدر مستیدیم هئچ بیلمدیم آخیر نه زامان
سینه م اوسته ساریلان تئل‌لری ایسلاتدی یاغیش
سورا بیلدیم آپاریب قورد كئچینین شنگولوسون 
سنی مندن آلیب آنجاق منی آلداتدی یاغیش

Fb.com/musa aşufte

قایناق: قـه‌فـه

آستا گئد

سه شنبه 8 مرداد 1392
11:38
باشقان
گئدیرسن یاواش گئت!
یاواش گئت گولوم !!! 
آردینجا سورونور منیم اوره یم
گئد ه رگیم آستا گئت 
یول چینقیل داشدی 
بیر آن باخیشینی دؤنده ر دالی باخ؟؟
آلقان آرزیلاریم ایز سالیب یولا 
نیسگیله بورونموش اوره یم 
منیم آردینجا یوللاردا 
تیلیت قان اولوب
گئدیرسن آستا گئت! 
آستا گئت باری....
smiley122

قایناق: قـه‌فـه

سارا سؤیو

سه شنبه 1 فروردین 1391
03:51
باشقان
آرپا چایی آشدی داشدی / سئل سارانی آلدی قاشدی

جوت باجینین گؤزو یاشدی / آپاردی سئللر سارانی آی داد

بیر آلا گؤزلی بالانی آی داد

گئدین دئیین خان چوبانا / گلمه سین بو ایل موغانا

گلسه باتار ناحق قانا / آپاردی سئللر سانی آی داد

بیر آلا گؤزلی بالانی آی داد

آرپا چایی درین اولماز / آخار سولار سرین اولماز

سارا كیمی گلین اولماز / آپاردی سئللر سارانی آی داد

بیر آلا گؤزلی بالانی آی داد‎

‎ابولقاسم نباتی

قایناق: قـه‌فـه

حسین واحدیدن سؤی

سه شنبه 25 بهمن 1390
09:05
باشقان

بیر اوشاق /

واریدی دونیادا /

یاشاییردی خییاوانلاردا /

آتاسی آلیشقان /

آناسی آرالیقدا /

یاتیردی كارتن لاردا /

ایستی ایسه سویوق لاردا /

آرزیسین هر زامان /

اوندان سوراندا /

دئییردی اولاردی منیم اوچون/

بوتون دونیادا /

بیر اوتاق /

بیر یورقان /

بیرده تك یاتاق !!


قایناق: قـه‌فـه

ســورغــو

  • یاییملانان مئساژلارا 10 دان نئچه وئریرسینیز؟

سـون یـازی‌ لـار

بـاغـلـانـتـی لـار

سـایـغـاج

» یازیلار :
» باخیش لار :
» یئنیله‌مه چاغی :
» بو گونون گؤروشو :
» دونه‌نین گؤروشو :
» بو آیین گؤروشو :
» ایندی وئبلاق دا :
» بوتون گؤروشلر :
» قه‌فه‌میزده چای اولماسادا ایستی پیام‌لاریمیز وار!


"ائبرو دینله‌یه‌نلر گؤزلی سئورلر" دئمیشلر
ائبرو نه‌یی دینله‌دیکله‌رینی آراییرام
سن باشقا جور گؤزل سن
ائبرو دا آنلاتا بیلمیر سنی
93.12.07
2012-2023 ©
1393-1403 ©
بوراسی قـه‌فـه اولاراق، تورکجه‌میزی قوروماق اوچون یازیلاردان قایناق‌سیزدا قوللانا بیله‌رسینیز || گئنیشله‌ندیرن و دوزه‌نله‌دن: قه‌فه قوروپو