بیر اوشاقلیقدا خوش اولدوم

شنبه 27 دی 1393
11:06
باشقان

بیر اوشاقلیقدا خوش اولدوم، اودا یئر ـ گؤی قاچـاراق
قوش کیمی داغلار اوچوب،یئل کیمی باغـلارکئـچدی
سونـرا بیـردن قاتـار آلتینـدا قالیــب ، اوستـومـدن،
دئیه بیلمم نه قـدر سئـل کیمـی داغـلار کئــچــدی
اوره گیمدن خبر آلسان نئجه کئچـدی عـؤمـرون؟
گؤز یاشیمـلا یازاجـاق: مــن گونوم آغلار کئچدی
استاد شهریار


قایناق: قـه‌فـه

ایمانیله گئتدی-شهریار

پنجشنبه 19 دی 1392
12:47
باشقان
ییغدی خیر و بركت سفره سین ، احسانیله گئتدی
امن - امانلیق دا یوكون باغلادی ، ایمانیله گئتدی
بیك - خان اولمازسا دئیه ردیك اولاجاق كندیمیز آباد
او خاراب كند ده ولاكن ، ائله بیك خانیله گئتدی
( سیلو ) دایر اولالی ، هرنه دگیرمان ییغیشدی
آمما خالص - تمیز اونلاردا ، دگیرمانیله گئتدی
مستبد سلطانی سالدوق ، كی اولا خلقیمیز آزاد
سونرا باخدیق كی آزادلیق دا او سلطانیله گئتدی
بیر ( بلی قربان ) اولوب ایندی بیزه مین بلی قربان
آمما ( خلعت وئرن ) اول بیر بلی قربانیله گئتدی
دوز مسلمانه دئییردیك ، قولاغی توكلودی بدبخت
ایندی باخ ، گؤر كی او دوزلوك ده ، مسلمانیله گئتدی
وئرمه ( صابر) دئدی ، او دولما - فسنجانی آخوندا
آغزیمیزدان داد ، اول دولما - فسنجانیله گئتدی
دئدی انسانیمیز آزدیر ، هامی انسان گرك اولسون
آمما انسانلیقیمیزدا ، او آز انسانیله گئتدی
بو قدر ( دفتر ) و ( استاد) له ، بیر حقه چاتان یوخ
حق وئرنلر ( پیتیگی ) میزا قلمدان یله گئتدی
بیزه بیر دین قالا بیلمیشدی میراث ، بیرده بو ایران
دین گئده نده دئدی : تك گئتمه رم، ایرانیله گئتدی
ایسته دیك قانلا یوواق اؤلكه میزین لكه سین ، آمما
اؤلكه میز خالص اؤزی لكه اولوب قانیله گئتدی
یورقانی اوغری قاپاندا ، دئدی ملانصرالدین
نیله سین چیلپاغیدی ، اوغرو دا یورقانیله گئتدی
هاوا انسانمی بوغور باش - باشا گاز كربنیك اولموش
یئل ده اسمیر ، ائله بیر ، یئل ده سلیمانیله گئتدی
سو ، كرج دن كلور ایله گلی بو پاسلی دمیردن
گؤره سن شاه سوی تك چشمه نه عنوانیله گئتدی؟
تركی اولموش قدغن ، دیوانیمیزدان دا خبر یوخ
شهریارین دیلی ده وای دئیه ، دیوانیله گئتدی

قایناق: قـه‌فـه

اصلی-كرم شعرینه بیر حاشیه-اوستاد شهریار

پنجشنبه 19 دی 1392
12:43
باشقان
ائوده بیر ایل آه چكرم، خبر یوخ
ائودن چیخام من او یانا، یار گلیر

تای- توشلاریم چؤله چیخا، گون چیخار
من چیخاندا یاغیش گلیر، قار گلیر

یازیق گؤزوم آجلیغا دؤز، داریخما
بوگون-سحر باهار گلی، بار گلیر

بیزه گله- گلمه یه بیر كال ایده
قونشوموزا هیوا گلی، نار گلیر

خان ائوینه شیر گله قویروق بولار
بیزم ائوه كور ایت گله، هار گلیر

خلقه قوناق گلیر گوزو سورمه لی
بیزیم ائوده ن كور گیتمه میش، كار گلیر

بختیمه آرواد نه چیخا بیلمیرم
بللیدی كی سارساغا، سوسار گلیر

بیر اوج اتك اندازادیر اگنیمه
سالیس بوری گئن گلمه سه، دار گلیر

دولتلیه یاس دا گله، اوینایار
بیز كاسیبا، طوی گله آخسار گلیر

غم یوكوندن كد خدا نین هیس سسی
خردل اولی، بیزیم كی خالوار گلیر

كندده بیزی دؤیلله، بیر هاوار یوخ
بیز بیر كلمه حق دانیشاق، جار گلیر

دارقا شاگیردلار، بیزه سركار چیخار
دار دیبیندن قورتولا، سردار گلیر

بوندان بئله اؤزگه گؤره م، اؤزكه دن
مینَت چكیر، غئیرتیمه عار گلیر

ایشجی تویق كسنده من باخاممام
بیلمم نجه اؤرگینن وار گلیر؟

غم دن منیم بیر عینك وار گؤزومده
ایشیق آیدین گون گؤزومه، تار گلیر

عشقیم دوشوب یادیما گؤزلر داشیر،
باهاردا سئل آدلانا چایلار گلیر

چوخ شاعیرین طبعی دونار بوز كیمی
شهریارین شعریده قاینار گلیر

قایناق: قـه‌فـه

ناز ائیله میسن

سه شنبه 10 دی 1392
06:11
باشقان
بیر ایچیم شهریارین شعرلریندن.
شعر، یازینین آردیندا
قایناق: قـه‌فـه

ســورغــو

  • یاییملانان مئساژلارا 10 دان نئچه وئریرسینیز؟

سـون یـازی‌ لـار

بـاغـلـانـتـی لـار

سـایـغـاج

» یازیلار :
» باخیش لار :
» یئنیله‌مه چاغی :
» بو گونون گؤروشو :
» دونه‌نین گؤروشو :
» بو آیین گؤروشو :
» ایندی وئبلاق دا :
» بوتون گؤروشلر :
» قه‌فه‌میزده چای اولماسادا ایستی پیام‌لاریمیز وار!


"ائبرو دینله‌یه‌نلر گؤزلی سئورلر" دئمیشلر
ائبرو نه‌یی دینله‌دیکله‌رینی آراییرام
سن باشقا جور گؤزل سن
ائبرو دا آنلاتا بیلمیر سنی
93.12.07
2012-2023 ©
1393-1403 ©
بوراسی قـه‌فـه اولاراق، تورکجه‌میزی قوروماق اوچون یازیلاردان قایناق‌سیزدا قوللانا بیله‌رسینیز || گئنیشله‌ندیرن و دوزه‌نله‌دن: قه‌فه قوروپو