فراق چكمه ین عاشیق، وصالین قدرینی بیلمز-عمادالدین نسیمی

پنجشنبه 19 دی 1392
11:00
باشقان
فراقی چكمه ین عاشیق، وصالین قدرینی بیلمز
جمیله اولمایان واصیل، جمالین قدرینی بیلمز
شب اسراده قوسینین ایكی نصف ائیله دی آیی
بو معجزدن اولان غافیل، هلالین قدرینی بیلمز
دوداغین سلسبیلیندن خبردار اولمایان جانسیز
اونون ماهییتی اود دور، زلالین قدرینی بیلمز
مدور نقطه ی خالون، ببك دن عینینه قوندی
ببك سیز قالسین اول گوزكی بو خالین قدرینی بیلمز
نهالون اعتدالیندان، اوتانار سدره و طوبی
بو قدی بنزه دن سروه، نهالین قدرینی بیلمز
سنی سندن دیلر كونلوم، نه دونیانین زر وگنجین
كی اول مالی سئون جانسیز، بو مالین قدرینی بیلمز
اوزوندور پرده آللاهین یمینی، كعبه سی، بیتی
یمینی بیلممیش هر كیم شمالین قدرینی بیلمز
گونش ماه تمامیندن زواله اوغراشور هر گون
نه دن شول آفتابی بی زوالین قدرینی بیلمز
لب لعلون وصالیندان جدا اولماق منه دوشمز
بو ذوقی بیلمه ین صوفی، بو حالین قدرینی بیلمز
"نسیمی" صوفی دگیشمز غموندن گئیدیگی شالی
كی اول صوفی صفاسیزدور بو شالین قدرینی بیلمز
نسیمی

******

قـایـنـاق: قـه فـه

باهار-عمادالدین نسیمی

پنجشنبه 19 دی 1392
10:58
باشقان
باهار اولدی گل ای دلبر تماشا قیل بو گلزاره
بوراخدی غنچه لر پرده، بشارت بولبول زاره
شقایق پرده دن چیخدی بویاندی باغ ایله بستان
ایرشدی گلشنی حسنون بویاندی رنگ ازهاره
منی منع ائتمه ای زاهد، گوونمه ذكره ای صوفی
كی سن مغرورسان ذكره منم مشتاق دیداره
كی هر بلهم اضل بیلمز ندور كی عشقین احوالی
ایرشمز قاصرین عقلی بو مغلق سر اسراره
عبیر و مشك و عنبر تك ریاحین دن چمن دولدو
سحرده طعن ائده ر ساچون نسین مشك تاتاره
كی چیخدی غنچه دن سنبل گریبان چاك ائده ر من تك
دلیندی غصه دن باغریم، سن ائتمه اوره گیم پاره
چمنلر مختلف اولدی هزار الوان چیچك لردن
آچیلدی نرگس و لاله و نسرین، شكوفه گلدی اشجاره
آچیلدی نرگس و لاله توتوبدور یاسمن چادر
سؤیودلر ارغوان تیتره ر، قمیشلر یئتدی انهاره
بنفشه گول تماشاسی غنیمت بیل كی بئش گوندور
ساتار معشوقه گول حسنون خریدار اول بو بازاره
ییغیلدی جانینا جانی، دمی عیسی نسیمی نین
وصال دردینه درمان ایرشدی جان بیماره
نسیمی

قـایـنـاق: قـه فـه

ساقیا دولدور قدح-عمادالدین نسیمی

پنجشنبه 19 دی 1392
10:39
باشقان
ساقیا دولدور قدح چون یئتدی فصل نو باهار
مرغزار اولدی چمن سویله ر چمنده مرغ زار
گول چمنده پادشاه اولدی بزتدی مجلسی
لاله گلدی قوللوغا توتدی شراب خوشگوار
صبحدم بستانه ساری گل گشت اوچون عزم ائیله دیم
باغچادا گوردوم كی چیخمیش بیر حبیب گلعذار
دیشی اینجو، گوزی جادو، خالی هندو، بئلی مو
ساچی سنبل، خالی فلفل، اوزی چون گل، آغزی دار
خوب منظر، گوزی كافر، كیپریگی خنجر، قاشی یای
قد صنوبر، بویی عرعر، لاله ی تر، شول نگار
یوزی نون و گوزی عین و اوزی ری قامت الف
ساچی جیم و خالی میم و یوزی نقطه خط غبار
دلبریم بیر قیل بهاسی قیمتی دورد اقلیمه
بیری مصره، بیری چین و بیری هند و بیری لار
معرفتدن كوثر اولدی هم «نسیمی» چاكری
نسبتی یوخدور اونونلا عین دین و اختیار
نسیمی

قـایـنـاق: قـه فـه

ســورغــو

  • وئبلاقین هانسی بؤلومون سئودیز؟

سـون یـازی‌ لـار

بـاغـلـانـتـی لـار

سـایـغـاج

» یازیلار :
» باخیش لار :
» یئنیله‌مه چاغی :
» بو گونون گؤروشو :
» دونه‌نین گؤروشو :
» بو آیین گؤروشو :
» ایندی وئبلاق دا :
» بوتون گؤروشلر :
» قه‌فه‌میزده چای اولماسادا ایستی پیام‌لاریمیز وار!


"ائبرو دینله‌یه‌نلر گؤزلی سئورلر" دئمیشلر
ائبرو نه ‌یی دینله‌دیکله‌رینی آراییرام
سن باشقا جور گؤزل سن
ائبرو دا آنلاتا بیلمیر سنی
93.12.07
2012-2017 ©
بوراسی قـه‌فـه اولاراق، تورکجه‌میزی قوروماق اوچون یازیلاردان قایناق‌سیزدا قوللانا بیله‌رسینیز || گئنیشله‌ندیرن و دوزه‌نله‌دن: قه‌فه قوروپو