ساقیا دولدور قدح-عمادالدین نسیمی
پنجشنبه 19 دی 1392
10:39
0باخیش
ساقیا دولدور قدح چون یئتدی فصل نو باهار
مرغزار اولدی چمن سویله ر چمنده مرغ زار
گول چمنده پادشاه اولدی بزتدی مجلسی
لاله گلدی قوللوغا توتدی شراب خوشگوار
صبحدم بستانه ساری گل گشت اوچون عزم ائیله دیم
باغچادا گوردوم كی چیخمیش بیر حبیب گلعذار
دیشی اینجو، گوزی جادو، خالی هندو، بئلی مو
ساچی سنبل، خالی فلفل، اوزی چون گل، آغزی دار
خوب منظر، گوزی كافر، كیپریگی خنجر، قاشی یای
قد صنوبر، بویی عرعر، لاله ی تر، شول نگار
یوزی نون و گوزی عین و اوزی ری قامت الف
ساچی جیم و خالی میم و یوزی نقطه خط غبار
دلبریم بیر قیل بهاسی قیمتی دورد اقلیمه
بیری مصره، بیری چین و بیری هند و بیری لار
معرفتدن كوثر اولدی هم «نسیمی» چاكری
نسبتی یوخدور اونونلا عین دین و اختیار
نسیمی
