وئرمیشم طاقت و آرامیمی ای یـــار سنه
عاشــقم عاشــــقم ای دلبــر اعیار سنه
سئوه رم بزم اولا خلوت، قویاسان من ائلیم
دردیمی محنتیمی غصه مـــی اظهار سنه
گزه رم كوچه و دربندی دالونجا سوخـارام
پیـچاقی قارنینا هــــر كس ائده آزار سنه
ایستی وقتیندا سُیونسان سالارام تز ایچـینه
كاسه نــــی بوز وئره رم شربت گلنار سنه
گَل اوتور قوزا قیچون گیدیریم ای یـار عزیز
هر نه سئوسن ،جوراب و چكمه و شلوار سنه
نیه اوجوندا سیخورسان ،ازیسن، سیندیریسان
نــیلیوب آخ بو یازیــق قلب وفــادار سنــه
سن ییخیل بالِش ناز اوسته اوزان منده چالوم
ضرب و قارمان و كامانچا ویالون تــــار سنه
اَیمه شاخ ساخلا یانوندا باخیب اوپ قوی گوزیوه
بـــــــو گوزل عكسی كی مندن قالیر آثار سنه
دوگمه سین آچ، آرالا، ساخلا قویوم اورتاسینا
آلمیشام ســاك دُلوسی حیوا ، لیمو، نار، سنه
عیبی یوخ اینجیمه ویش ویش دئمه قوی تز چیخادیم
سیخسا باشماق آیاقین اولسا اگــــــــــــردار سنه
دُز بیر آز بندین آچیم تـــا وئریم الآن اَلیوه
چتریوی، وئرمیه زحمت بو یاخیش، قار، سنه
گله سن باغ دا وئرم بیر الیوه اویناداسان
قیرمیزی آلما انار و گـــــل بیخار سنه
ال ایاق چالما چالیشما نئجه توتسان كئچه جاق
دئمه خاطیر قویاجاق چـــــــــرخ جفاكار سنه
احتراما دایارام آغزیوا سَنده سوراسان
سولی قلیانی كریمی دئیر اشعار سنه
.
Futbola baxanda kanalı dəyiş 
İndi oturub olke problemlerini danişirug