ساغلیغیمدا منی یاد ائد اخوی
سه شنبه 8 مرداد 1392
02:36
1باخیش
ساغلیغیمدا منی یاد ائت اخوی
من اولندن سورا جیرما یخوی
ساغلیغیمدا منی دیندیر دیلینن
گلمه ترحیمیمه تاج گولینن
ساغلیغیمدا الوئی چك باشیما
یاخما بیرنون زیلیغین باش داشیما
تا وارام اوزمه الیمدن الوئی
نه قرا گئی نه اوزاد سقلوئی
قوی یانیم من سنه سن ده منه یا
سن منه جان دئه دئیم من سنه جان
ساغلیغیمدا قولوئی بوینوما سال
گاه گاهی بو سینان گولومی آل
هچ گلیب قبریمه یاد ائتمه منی
باشیما چالما غلط فاتحنی
بابا سالیغدا منیم گول اوزیمه
مشتری ئول سوزیمه هم ئوزیمه
منی تشویق ائله دعوتلرینن
گولیمی شاد ائله خلعتلرینن
نه یالانان چپی قه قه لرینن
مرسی احسن یاشا به به لرینن
ائل گرك قیمت اشعاری بیله
نیه ایراندا گرك شاعر ئوله؟
صنعت شعری چكیب لر فسادا
دوشدی بازار فصاحت كسادا!
بیر غزل كی گلیر عشقیله باشا
كیم آلیر بیر غزلی بیر لواشا؟
گئیمدی اینینه قیمتلی قبا
سالمادی چینینه بیر تازه عبا
شهریارین آدی دیللرده گزیر
تازا حیدر بابا اللرده گزیر
بیر گیچیك ائوده گونون وردی باشا
قالدی بیر مانقالی بیر حوقا ماشا
**
ای خدا ور بیزه بیر عقل و شعور
شاعری ائیلمیاق زنده به گور!
(كریمی مراغه ای)
