تورکجه قبر آدلاری

چهارشنبه 27 خرداد 1394
01:41
باشقان

                   
 قبرستانا یولونوز توشسه؛ چوخ شئی لر دیققتینیزی چکه بیلر

نئچه گون بوندان اؤنجه(قاباق) هر پنجشنبه کیمی قبر اوستونه گئتدیم

قبیرلرین آراسیندان کئچه رکن، بعضی قبیرلرین تورکجه آدلاری گؤزومه گلدی.

بو آدلار؛ معمولی تورکو آدلار کیمی دئییلدیلر "قیزقالسین؛ خانیم بس؛قیز قئییت و..."

بو آدلارین نه ده نینی(دلیلینی) بیر نئچه نفردن سوروشوب؛ آنلام لارین(معنی لرین) بیلدیم!

1.قیز بس: اسکی(قدیم) زامانلار بیرنئچه خانواده لر اوشاقلاری؛ اوغلان اولماق ایسته ییرمیشلر آنجاق بولارین دؤرد بئش دنه قیزلاری اولورموش، بو آرادا طایفا بؤیوک لری سون(آخیر) اوشاقین آدین "قیز بس" قویورموشلار کی بلکه گلن اوشاق قیز اولماسین!

2.قیز قئییت: بیر نئچه طایفا دادا؛ بعضی خانواده لرین چتین اوشاقلاری اولورموش، بونلارین ایلک(اولین) اوشاقی قیز اولورموش؛ آنجاق ایلک اوشاق تئز اؤلوردو. سونرا بیر نئچه ایل دن سونرا یئنی(تزه) اوشاقلاری گنه قیز دوغولورموش. خانواده، ایلک قیزلارین یادا سالیب دئییرمیشلر: قیز قئییت! گل تزه باجیوینان اوینا... و اونا خاطیر ییئنی اوشاقین آدین " قیز قئییت" قویوردولار

3.قالسین: بو آرادا بیر نئچه خانواده لرین اوشاقی اولان زامان تئر اؤله ردی، اونلار هر سئری ایستکلی اوشاقلارینین اؤلوم لرین گؤرنده اورک لرین قان اولارمیش. اونون اوچون سون اوشاقلارینین آدین "قالسین" قویوب، الله دا اونون قالماغین ایسته ردیلر

4.الله وئردی: بعضی خانواده لرده نه ایش گؤرورمیشلر اوشاقلاری اولموردو؛ بو خانواده لر طایفا آراسیندا سونسوز(اوجاق کور) آدلانیرمیشلار، آنجاق بؤیوک تانرینین لوطفی هر زامان اومودسوز بنده لرین تک قویمازدی، الله اولارا اوشاق وئررمیش و او خانواده بونو الله هدیه سی بیلیب، اوشاقین آدین "الله وئردی" قویارمیشلار

5.قیز تامام: قیزتامام آدی قویانلاردا "قیزبس" آدی کیمین دوشونورمیشلر

6.خانم بس: "خانم بس" آدی قویانلار، "همان قیزبس" قویانلار کیمیمیشلر آنجاق بولار نئچه ایل اولاردان سورا واریمیشلار! بو نئچه ایل لرده فارسی دیلین یالان یئره کلاسلی گؤرسه دنلر، ائتگی لرین(اثرلرین) دیلیمزه ده قویدولار و "قیزبس" یئرین؛ "خانیم بس" توتدو!!

هر حال دا الله اؤلنلریمیزه رحمت ائله سین و بو اوسته کی عکسین آدلارینین قبیرلری نور و رحمت-ینن دولسون

یقین کی او بؤیوک آتا و آنالار بیزیم وارلیقیمیزدیلار smiley21

 



قـایـنـاق: قـه فـه

ســورغــو

  • وئبلاقین هانسی بؤلومون سئودیز؟

سـون یـازی‌ لـار

بـاغـلـانـتـی لـار

سـایـغـاج

» یازیلار :
» باخیش لار :
» یئنیله‌مه چاغی :
» بو گونون گؤروشو :
» دونه‌نین گؤروشو :
» بو آیین گؤروشو :
» ایندی وئبلاق دا :
» بوتون گؤروشلر :
» قه‌فه‌میزده چای اولماسادا ایستی پیام‌لاریمیز وار!


"ائبرو دینله‌یه‌نلر گؤزلی سئورلر" دئمیشلر
ائبرو نه ‌یی دینله‌دیکله‌رینی آراییرام
سن باشقا جور گؤزل سن
ائبرو دا آنلاتا بیلمیر سنی
93.12.07
2012-2017 ©
بوراسی قـه‌فـه اولاراق، تورکجه‌میزی قوروماق اوچون یازیلاردان قایناق‌سیزدا قوللانا بیله‌رسینیز || گئنیشله‌ندیرن و دوزه‌نله‌دن: قه‌فه قوروپو