سئوگی اس ام اس لری
سه شنبه 9 اردیبهشت 1393
09:18
3باخیش
دنیز قوم‌لارداكی ایزلری سیلر اما هئچ بیر شئی اورییم‌ده كی سئوگینی سیله بیلمز. سنی اؤلنه قدر سئوه‌جه‌یم.
گول نه دیر كی؟ سولوب گئدر. گون نه دیر كی؟ گلیب گئدر. آتش ندیر كی؟ سؤنر بیتر. اما سنه اولان سئوگیم سون‌سوزدور، آنجاق مزاردا بیتر.
بیر كولك اسرسه اورا‌لارا ، سنه اولان سئوگیمی پیچیلداسا قولاغینا ، جاوابینی سئوگیم‌دن ایسلاندیغین یاغیش‌لارلا گؤندر .
عشقینه تؤكسم گؤزیاش‌لاریمی ، الین له بیر دفعه سیلجكسن می؟ بو اورییمی سنه وئرسم ، بیر گون گله‌جك سئوه جك سن می؟
سنی اوزاق‌دان سئومیی ، منه باخما‌دان گؤرمیی ، سنی ائشیتمه‌دن دینلمیی، قوووشماق اوچون صبر ائتمیی ، هر شئیی اؤیرندیم اما سن‌سیز اولماغی اصلا ...
سنی ائله چوخ سئودیم ، اوزونو گؤرمه‌دن، سسینی ائشیتمه‌دن .یالنیزجا سنی دوشوندوم ، بلكه ده رئال‌لیقدا هئچ واخت اولمایا‌جاق بیر دونیا قوردوم سنینله ، او دونیا كی، ایچینده یالنیز سن و من وار ایدیم ، چوخ خوشباخت ایدیم ، قلبیمین درین‌لیك‌لرینده سئوگی بولاغی چاغلاییردی. یالنیز بو دونیامدا سنینله دانیشیر ، قارانلیق گئجه‌لرده سنینله بیرگه اولدوزلاری ساییردیق. آی دا بیزیم سئوگیمیزین اؤنونده باش اییر، بیزه حسد آپاریردی ائله بیل.
سنین اوچون آچاردی چیچك‌لر ، قوش‌لار سنین اوچون اوخویاردی. آنجاق بیر فصیل واردی قوردوغوم بو دونیادا ، سئوگی فصلی ، نه بیر قیش واردی ، نه ده بیر پاییز. گونش ده ایستی دی سنه اولان عشقیم كیمی.
