زولفی پریشان
جمعه 2 اسفند 1392
03:34
0باخیش
ائلدن چیخارام زولفی پریشانینی گؤرگج،
ایشدن گئدرم سروی خورامانینی گؤرگج
سوسوزلارا گر جان آخیدیر چشمه‌ئی حیوان،
من جان وئررم چشمه‌ئی حیوانینی گؤرگج
گر باغلاموسان ائل گؤزونو شرمی عذارین،
جاندان كسیلور خنجری مژگانینی گؤرگج
ریحان كی، نزاكت تؤكولوردی قلمین‌دن،
خط تیره چكر زولفی پریشانینی گؤرگج
بولبول كی، گولون لعلی‌لبیندن سؤز آلیردی،
دیلی دولاشیر غنچه‌ئی خندانینی گؤرگج
ریضوان كی، بهشت‌ین یئمیشی گؤزونه گلمز،
دیشلر اَلینی سیبی زنخدانینی گؤرگج
یئردن خطی ریحان ورقین پاك سیلیب‌دیر،
نقاشی گولوستان، خطی ریحانینی گؤرگج
گول رنگی آلور، صوبح، ایكی خالی ترین‌دن،
خورشیدی عذار، مؤحریقی اَفشانینی گؤرگج
مژگاینی آلیب قانلو یاشیندان رگی یاقوت،
صائیب لبی لعلی گؤهر اَفشانینی گؤرگج
شاعر: صائب تبریزی
