لزگی قیزی
جمعه 2 اسفند 1392
03:27
0باخیش
اتگینی چیرمیه رك
سامور چایدان كچنده سن
خفیف- خفیف اسه ن كولك
ئوپدی سنین گل اوزوندن ...
كونول دئدی: دایان بیر آز
او دلبیرین سیرینه دال
دئدیم تورا یاخین دورماز
اوچی گورموش اوركك مارال
آچدی خیال یلكنینی
سامور چایین باش بندینه
اورك دئدی: باغلار منی
او گوزلرین كمندینه
گلیب چخدین سن ساحله
آیاغینی ئوپدی چمن
نه من گلدیم، نه سن دیله
بودا كچدی عمریمیزدن ...
سن عمرینین گنج یاشیندا
آددیمینی سایا- سایا
گلیب كچدین داغ باشیندا
توستولنن بیر كومایا
اورك قالدی یانا- یانا
ایلك گوروشدن آیریلدیق بیز
سن او یانا، من بویانا
قالدی آیاق ایزلریمیز ...
صمد وورغون 1939
