عشق آشناسی
بحر بلانون بو گجه داشمیش بلاسی
كفاریدن مهلت آلوب زهرا بلاسی
صحرای عشقه خیره دور اهل سماوات
معبودیله عشاق حق ایلور مناجات
دشت بلادن عرشه چخمیش صوت آیات
گرم ایلیوب عشق اهلینی قرآن صداسی
چون فاش ایدوب سرّی ولی ذات خلّاق
شاد و خراماندور عموم هنگ عشاق
هر تك تكی اولموش اوركدن مرگه مشتاق
وصله بلی مایل اولور عشق آشناسی
اولموش پریشان و غمین حال اهل معنا
جنتده زهرا باش آچیب گریاندی طاها
سویلور ملك‌لر بیر بیره گر صبح آچیلسا
أوز قانینه غلطان اولور دین رهنماسی
راه حقیقت سالكی شمس امامت
یعنی حسین اول صاحب مجد و جلالت
بیر خیمه ده ایلور خانم زینبله صحبت
دورِ خیامی گوزلیور صاحب لواسی
پروانه مثلی زینب زار و مكدر
دور حسینه ذوق و شوقیله ورار پر
بو عشقیله بیلمم نه نوعی طاقت ایلر
گورسه باتوب قانه حسینِ مه لقاسی
سو یولّارینی باغلیوب‌دور اهل كینه
چخمش أنا العطشان سسی عرش برینه
سقایه جام الده دیور نازلی سكینه
ایله فراهم سو عمو الله رضاسی
زهرا گلستاننده گل‌لر سارالمیش
اوچ گوندی آلِ مصطفی لب تشنه قالمیش
شش ماهه ئوز طفلین رباب آغوشه آلمیش
چوخ یاندرور اول غمكشی اصغر نواسی
استاد كلامی زنجانی
