بیر گؤیرچین كیمی دنسیزله میشم/
بولبولم داغدا چمنسیزله میشم/
منی باس باغریوا فریادیما یئت/
بیلمیسن كی نئجه سنسیزله میشم.
########################
بیر یوواسیز قوشا دؤنسم/
گؤزدن آخان یاشا دؤنسم/
یولوندا كی داشا دؤنسم/
اونوتمارام سنی گؤزلیم...
########################
بیلسیز من یارا آی سیزلامیشام/
دئمیشم چیخ گئجه، آی سیزلامیشام/
ایستیرم باش گؤتوروب آستا قاچام/
های وئرم عالمه، هایسیزلامیشام.
########################
چیچكلر دوزولوب سن گلن یولا/ قیشدادا اینانما سارالیب سولا/ طبیعت زامانلا وئریب قول قولا/ یاشادار قلبیمده یوز ایللر سنی ...
########################
داغلارا چن دوشنده/ بولبوله غم دوشنده/ روحوم بدن دن اولار/ یادیما سن دوشنده.
########################
رنگی سولموش خزلم یئللره تاپشیرما منی/ گؤز یاشیمدان تؤكولن سئللره تاپشیرما منی/ آند اولا آللاها بیرگون دؤزه بیلمم سنسیز/ آیلارا هفته لره ایللره تاپشیرما منی...
########################
رسم دیر عاشیقلر یالواریر یارا/
یازیق بولبول لرده اسیردی خارا/
سئودا آغاجیندا یاتیرسان بالا/
باشین اوجالاندا داغ اینجیمه سین.
########################
سئویرم نازلی چیچك تك، گوله سن/ اوخشاییرسان نه یامان نازگوله، سن/
سنی گولدن آییرا بیلمه ییرم/ یا سنه گول دئییرم یا گوله، سن.
########################
سحرین گول عطرینی باد صبادان خبر آل/
من سنی چوخ سئویرم مهر و وفادان خبر آل.
########################
سن آغلاسان گولوم منسیز/ منده گولمم اینان سنسیز/ گولك بیرلیك اولاق غمسیز/
نه سن منسیز، نه من سنسیز
########################
سؤیله دین عاشیق گرك هرنه واریندان كئچه/
یوخ آماندیر! سؤیله مه! سن سن هرنه واریم منیم.
########################
گئجه دیر سنی منه خاطیرلادان؛ اولدوزسان گئجه می آیدینلادان ؛ بیلكی گئجه اولدوزسوز ؛ منده سنسیز یاشایامام...
########################
آغاجلارا یازدیم آدینی،یاندیردیلار؛
گؤی اوزونه یازدیم یاغیش اولوب آخدیلار؛
بو دفه قلبیمه یازیرام،اؤلوم آنجاق سیلر آدینی اوردان..
########################
